LUCRECE , De rerum natura I, 1-9 
Aeneadum genetrix, hominum diuumque uoluptas,
Alma Venus, caeli subter labentia signa
Quae mare nauigerum, quae terras frugiferentes
Concelebras, per te quoniam genus omne animantum
Concipitur uisitque exortum lumina solis,
Te, dea, te fugiunt uenti, te nubila caeli
Aduentumque tuum, tibi suauis daedala tellus
Summittit flores, tibi rident aequora ponti
Placatumque nitet diffuso lumine caelum.
|
